قطع روؤس ثلاث بنات في الرياض
القصة اللي تعور القلب ولكن هذي نهاية المشي في الطرق الخطأ فالله يستر على
بنات المسلمين طبعا القصة منتشرة في الرياض لأن المعنيين بها ناس لهم
وزنهم في البلد ولذلك أخذ الموضوع أبعاد كبيرة بعد أن أكتشف عامل البلدية
المسكين ثلاث روس بنات في كيس في حاوية قمامة الله يستر على بناتنا وبنات
المسلمين والله اني أجزم أن مافيه أحد في قلبه ذرة إيمان والا عنده بنت أو
أخت الا بتبكيه قصة هالثلاث بنات اللي كن في غفلة ...
يتقاذفونهن الرجال بينهم كانهن كرة لم يردعهن وازع ولا خوف المسكين عامل
البلدية اللي الى الآن وهو مايتكلم من هول الصدمة كان ناوي يشتغل قصاب في
عيد الأضحى لكنه هون لأن ببساطة ماعاد فيه روح يشوف روس مقطعة مرة ثانية
ومن سوء حظه مسكين أنه أول ماطاح على البنت السمراء يعني تقريبا في نفس
لونه المسكين أكيد تذكر أمه أو أخته أم حتى زوجته فالله يستر على بناتنا
وبنات المسلمين المشكلة أن التحقيقات أثبتت أن اللي قطع الروس واحد من
جيران المدرسة والله العالم أنه كان يراقب بنات المدرسة وهو أعترف لعامل
البلدية أنه هو اللي قطع روس البنات ورماها في حاوية القمامة لا وقال
للعامل انا اللي قطعت كل ورق اللعب اللي تشوفه في الزبالة ماهوب بس البنات
ولكنك ماشفت الا بنت الهاص وبنت الديمن وبنت السبيت . العامل اللي ضيق صدره
أنه كان قبل يومين يدور ورقة لعب بيروح لأصدقائه في البطحاء ويبي يشخص
عندهم لكن مالقى الا أم عشرة وقال غاليه عشان كذا انصدم وهو يشوف تقريبا
ثلاث ورق لعب مشققة ومقطعة .
وحسبي الله ونعم الوكيل
الرئيسية
التسجيل
دخول
موضوع: قطع روؤس ثلاث بنات في الرياض 
الخميس فبراير 04, 2010 2:27 pm